Yuxarı

Maliyyə naziri Samir Şərifov IMF və Dünya Bankının illik toplantısında iştirak edəcək

Toplantı oktyabrın 6-9-da Vaşinqtonda keçiriləcək

Bakı. 6 oktyabr. REPORT.AZ/ Oktyabrın 6-9-da Vaşinqtonda (ABŞ) Beynəlxalq Valyuta Fondu (IMF) və Dünya Bankı Qrupunun birgə illik toplantısı keçiriləcək. Toplantıda Azərbaycanı maliyyə naziri Samir Şərifovun rəhbərlik etdiyi nümayəndə heyəti təmsil edəcək. Bu barədə “Report”a Maliyyə Nazirliyinin mətbuat xidmətindən məlumat verilib.

IMF və Dünya Bankına üzv ölkələrin yüksək vəzifəli dövlət və hökumət rəsmiləri, beynəlxalq maliyyə institutları, özəl sektor və vətəndaş cəmiyyəti nümayəndələrinin iştirak edəcəyi illik toplantı günlərində qlobal iqtisadiyyatın cari vəziyyəti və gələcək inkişafın əsas istiqamətləri, yoxsulluğun aradan qaldırılması və maliyyə yardımının səmərəliliyi, o cümlədən dünya iqtisadiyyatı qarşısında olan çağrışlarla bağlı müzakirələr aparılacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi