Yuxarı
    Bağlamaq

    Hesablama Palatası 2017-ci ilin dövlət büdcəsinə dəyişikliklə bağlı qanun layihəsinə rəy verib

    Qurumun kollegiyasının növbəti iclası keçirilib© Report.az

    Bakı. 22 iyun. REPORT.AZ/ Hesablama Palatasının Kollegiya iclasında “2017-ci ilin dövlət büdcəsi haqqında” qanunda dəyişikliklər edilməsi barədə” qanun layihəsinə qurumun verdiyi rəy müzakirə edilib.

    "Report"un Palataya istinadən verdiyi xəbərə görə, qanun layihəsinin Milli Məclisində müzakirə edilməsinin tövsiyə olunması ilə bağlı qərar qəbul olunub.

    İclasda, həmçinin həyata keçirilmiş dövlət büdcəsindən Gənclər və İdman Nazirliyinə ayrılan vəsaitlərin proqnozlaşdırılması və icrasına dair və “Azərbaycan İpoteka Fondu” ASC-nin vəsaitlərinin formalaşması və istifadəsi ilə bağlı təhlilin nəticələrinə dair Hesabatlar da müzakirə olunub.

    Kollegiyaya dəvət olunmuş adı çəkilən nazirliyin qparat rəhbəri Rüfət Həsənov və Mühasibat Uçotu sektorunun müdiri Əkrəm Hətəmov müzakirələrdə iştirak edib, kollegiya üzvlərinin suallarını cavablandırıblar.

    Kollegiya iclasında hər bir nəzarət tədbiri üzrə Kollegiya qərarlarının layihəsi müzakirə edilərək təsdiq olunub. Həmin qərarların icrasını təmin etmək məqsədilə aidiyyəti dövlət qurumlarına təqdimatların göndərilməsi və audit tədbirlərinin nəticələri barədə məlumatların Milli Məclisə təqdim olunması qərara alınıb.

    İclasda, həmçinin aparılmış audit tədbirlərinin nəticələri üzrə təqdimatların icrası vəziyyəti barədə auditorların məlumatı dinlənilib, müvafiq qərarlar qəbul edilib, Hesablama Palatasının İş planında nəzərdə tutulmuş bir nəzarət tədbiri ilə bağlı proqram təsdiq olunub.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi