Yuxarı

​Dünyanın finans mərkəzi müəyyənləşib

Moskva 67-ci sırada qərarlaşıb

Bakı. 14 aprel. REPORT.AZ/ Dünya finans mərkəzi sıralamasında liderlik 2014-cü ilin yekununda olduğu kimi yenə də Londonda olub. "Report" "Z/Yen" maliyyə-konsaltinq şirkətinin hesabatına istinadən bildirir ki, 86 dünya finans mərkəzləri arasında aparılan reytinqdə (GFCİ) London 800 maksimal balla lider olub. İkinci sırada Nyu-York-792 bal, üçüncü yerdə isə 755 balla Sinqapur yer alıb. Asiyanın ən böyük maliyyə mərkəzi 2007-ci ildən sonra ilk dəfə 753 bala sahib Honq-Konqu ötüb. Beşinci yer isə 728 balla Tokioya aiddir. Altıncı sıranı Sürix, daha sonra isə 4 ardıcıl sıranı Şimali Amerika şəhərləri tutub. Bunlar sırası ilə Vaşinqton, San-Fransisko, Boston və Toronto şəhərləridir.

Dubay Yaxın Şərqin ən nəhəng finans mərkəzi statusunu özündə saxlayıb və sıralamada 13-cü yerdə qərarlaşıb. Afrika qitəsində lider 33-cü sırada yer alan Kasablanka, Latın Amerikasında 43-cü sırada qərarlaşan San-Paulo və 44-cü yerdə olan Rio-de-Janeyro olub.

Moskva 11 pillə irəliləyərək 611 balla 67-ci sıranı tutub. Siyahıda son sıra 558 balla Afinaya aid olub.

Qeyd edək ki, "Z/Yen" şirkəti adıçəkilən reytinqləri artıq 19-cu dəfədir yayınlayır. İlk dəfə reytinq 2007-ci ildə təqdim olunub və ildə iki dəfə 3 200 maliyyəçi arasında aparılan sorğu əsasında dərc olunur. İndeks özündə biznes mühiti, infrastruktur, iş gücünün keyfiyyəti, maliyyə sektorunun inkişaf səviyyəsi və reputasiya kimi parametrləri əks etdirir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi