Yuxarı
    Bağlamaq

    Dünya ticarət həcmi ilk rübdə 1,4% artıb

    Bu il ticarət həcminin 2,4% artacağı proqnozlaşdırılır

    Bakı. 24 may. REPORT.AZ/ Dünya ticarətinin həcmi 2017-ci ilin ilk rübündə rüblük müqayisədə 1,4% artım göstərib.

    "Report" Niderland İqtisadi Siyasət Təhlili Bürosunun hesabatına istinadən xəbər verir ki, fevral ayında 0,8% azalma qeydə alınsa da martda artım 1,5% təşkil edib.

    "Marketwatch" araşdırma şirkətinin məlumatına görə, logistika şirkətləri də ticarət axınlarının artdığını bildirir. Beynəlxalq Hava Daşımaçılığı Assosiasiyasının (İATA) hesabatına əsasən, yük daşımaçılığına tələb yanvar-mart aylarında illik müqayisədə 11% artıb. Daniyanın nəqliyyat şirkəti "AP Moeller-Maersk"a görə isə, ilk rübdə onun konteyner daşımaçılığı 10% yüksəlib.

    Dünya Ticarət Təşkilatının (ÜTT) məlumatına əsasən, ilk rübdə investisiyaların həcmində artım müşahidə edilir. Təşkilat 2017-ci il üçün ticarət həcminin 2,4%, 2018-ci il üçün isə 4% artacağını proqnozlaşdırıb.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi