Yuxarı

“Bank Respublika” yenidən “Milli KSM” mükafatına layiq görülüb

​“Bank Respublika” yenidən “Milli KSM” mükafatına layiq görülüb

Ötən il çoxsaylı xeyirxah sosial layihələr həyata keçirən “Bank Respublika” ASC Korporativ Sosial Məsuliyyət (KSM) layihələri üzrə ölkəmizdə ikinci dəfə olaraq keçirilən “Milli KSM Mükafatı 2019″ müsabiqəsinin yenidən qalibi seçilib.

Müsabiqədə 2019-cu ildə həyata keçirilən 50-dən çox sosial layihə iştirak edirdi. İqtisadiyyat Nazirliyi, Təhsil Nazirliyi, Ekologiya və Təbii Sərvətlər Nazirliyi, Kiçik və Orta Biznesin İnkişafı Agentliyi, Ailə, Qadın, Uşaq problemləri üzrə Dövlət Komitəsi, Gənclər Təşkilatları Milli Şurası, Azərbaycanda Qadın Sahibkarlığın İnkişafı Asossiasiyası, Azərbaycan Sahibkarlar Konfederasiyası, Vətəndaşlara Xidmət və Sosial İnnovasiyalar üzrə Dövlət Agentliyi (“ASAN Xidmət”), “CSR Europe”, “CSR Turkey”, PROAKTIV PR Agentliyi və bır sıra qeyri-hökumət və özəl təşkilatların təmsil olunduğu Münsiflər Heyəti “Bank Respublika”nın fiziki məhdud uşaqlar üçün həyata keçirdiyi “Mən də bacararam!” layihəsini “Milli KSM” mükafatına layiq görüb. Bankın layihəsi BMT-nin Baş Assambleyası tərəfindən qəbul edilmiş 17 Dayanıqlı İnkişaf Məqsədlərinə daxil olan “Layiqli əmək və iqtisadi artım məqsədi” nominasiya üzrə seçilib.

Belə ki, 1 ay davam edən layihə çərçivəsində Bank fiziki məhdud uşaqlar üçün əl işləri üzrə təlimlər təşkil edib. Təcrübəli müəllim və psixoloqların apardığı təlimlərdə uşaqlar müxtəlif əl işləri sənətinə yiylənərək gözəl işlər ərsəyə gətirib. Layihənin sonunda, Bankın Baş ofisində uşaqların hazırladıqları əl işlərinin satış sərgisi keçirilib. Sərgini bankın əməkdaşları və müştəriləri böyük maraqla qarşılayıb və qısa müddətdə uşaqların hazırladığı əl işləri satın alınıb.

KSM siyasəti “Bank Respublika” üçün prioritet təşkil edən sahələrdən biridir və Bank, bundan sonra da müxtəlif sosial layihələr həyata keçirərək, cəmiyyətə faydalı olmağa davam edəcək.

Daha ətraflı məlumatı bankın rəsmi internet saytında, facebook səhifəsində və ya 144 nömrəsinə zəng edərək əldə edə bilərsiniz.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi