Yuxarı
    Bağlamaq

    Bakıda Azərbaycan və İran mərkəzi banklarının sədrləri arasında görüş keçirilib

    Görüşdə iki ölkənin bank sistemləri, o cümlədən mərkəzi bankları arasında əməkdaşlığın inkişafı barədə müzakirələr aparılıb

    Bakı. 13 noyabr. REPORT.AZ/ Azərbaycan Mərkəzi Bankının (AMB) sədri Elman Rüstəmov Bakıda səfərdə olan İran Mərkəzi Bankının sədri Vəliullah Seyfini qəbul edib.

    "Report"un AMB-yə istinadən verdiyi xəbərə görə, görüşdə iki ölkənin bank sistemləri, o cümlədən mərkəzi bankları arasında əməkdaşlığın inkişafı barədə, eləcə də İran prezidentinin Azərbaycana rəsmi səfəri çərçivəsində dövlət başçılarının iştirakı ilə iki ölkə arasında müxtəlif sahələrdə imzalanmış anlaşma memorandumlarından irəli gələn maliyyə-bank məsələləri ətrafında müzakirələr aparılıb.

    E.Rüstəmov ölkələr arasında iqtisadi, o cümlədən bank sahəsində əlaqələrin uğurla inkişaf etdiyini bildirərək, hər iki ölkənin mərkəzi bankları və bütövlükdə bank sektorları arasında gələcək əməkdaşlığın əhəmiyyətini vurğulayıb. AMB sədri ümumilikdə Azərbaycan iqtisadiyyatı, o cümlədən maliyyə-bank sektorunun davamlı inkişaf istiqamətləri barədə ətraflı məlumatları qonağın diqqətinə çatdırıb.

    İran Mərkəzi Bankının sədri isə öz növbəsində Azərbaycanın maliyyə-bank sektorunda görülən işləri yüksək qiymətləndirərək qarşılıqlı əməkdaşlıqdan məmnun olduğunu bildirib. İran və Azərbaycan arasında iqtisadi əlaqələr, o cümlədən bank sistemləri üzrə çoxşaxəli münasibətlərin qurulduğunu qeyd edən V.Seyfi bu əlaqələrin gələcəkdə də uğurla davam etdiriləcəyinə əminliyini vurğulayıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi