Yuxarı
    Bağlamaq

    ​Azərbaycanda milli valyutada olan bank əmanətlərinin həcmi azalır

    Əhalinin xarici valyutada yerləşdirdiyi əmanətlərin payı isə artır

    Bakı. 10 mart. REPORT.AZ/ Azərbaycanda milli valyutada olan əmanətlərin bank sektorundan çəkilməsi və ya dollara konvertasiyası ilə əlaqədar əhalinin banklarda manatda yerləşdirilən əmanətlərinin həcmi kəskin azalıb. Cari ilin yanvar ayında Azərbaycanda əhalinin kommersiya banklarındakı manatla əmanətlərinin həcmi azalsa da, xarici valyutada yerləşdirilən əmanətlərdə artım olub.

    "Report"un Mərkəzi Banka istinadən verdiyi xəbərə görə, ötən ilin dekabr ayından azalmağa başlayan manatla əmanətlər yanvarda daha 3,3% azalıb, xarici valyutada əmanətlər isə 2,9% artıb.

    Hesabata əsasən, fevralın 1-nə əhalinin kommersiya banklarında əmanətlərinin 60,1%-i və ya 4,276 mlrd. manatı manatda, 39,9%-i və ya 2,845 mlrd. manatı xarici valyutada yerləşdirilib.

    Qeyd edək ki, dekabrda əmanətlərin 61,5%-i manatda, 38,5%-i xariciu valyutada olub. Daha əvvəlki ayda isə bu göstəricilər müvafiq olaraq 63,3% və 36,7% təşkil edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi