Yuxarı

​Azərbaycanda əsas kapitala sərmayələr azalıb

Bunun 470 mln. manatı ölkə əhalisinin şəxsi vəsaitlərinin payına düşür

Bakı. 19 dekabr. REPORT.AZ/ Bu ilin yanvar-noyabr aylarında Azərbaycanda iqtisadi və sosial sahələrin inkişafı üçün bütün maliyyə mənbələrindən əsas kapitala 14 438,8 mln. manat vəsait yönəldilib, bu da ötən ilin müvafiq dövrü ilə müqayisədə 2,4% azdır.

“Report” Dövlət Statistika Komitəsinə istinadən xəbər verir ki, onun 8 835,3 mln. manatı və ya 61,2%-i məhsul istehsalı obyektləri, 4 689,5 mln. manatı (32,5%) xidmət sahələri üzrə obyektlər, 914 mln. manatı (6,3%) isə ümumi sahəsi 1 634,1 min kv. metr olan yaşayış evlərinin tikintisinə sərf olunub.

Ümumi sərmayənin 34%-i dövlət, 66%-i qeyri-dövlət sektorunun sərmayədarlarının payına düşüb. Əsas kapitala yönəldilmiş vəsaitlərin 73,2%-i tikinti-quraşdırma işlərinə sərf edilib. Daxili mənbələrdən əsas kapitala yönəldilən vəsaitin həcmi ümumi sərmayənin 56,9%-ni təşkil edib.

Əsas kapitala yönəldilən sərmayənin ümumi həcmində müəssisə və təşkilatların vəsaitləri 9 737,7 mln. manat, bank kreditləri 1 094,8 mln. manat, büdcə vəsaitləri 2 703,5 mln. manat, büdcədənkənar fondların vəsaitləri 253,3 mln. manat, əhalinin şəxsi vəsaitləri 470 mln. manat, digər vəsaitlər isə 179,5 mln. manat təşkil edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi