Yuxarı
    Bağlamaq

    Azərbaycanda daşınmaz əmlakın tikintisinə və alınmasına qoyulan kreditlər artıb

    Ev təsərrüfatına kredit qoyuluşu isə 18 faiz azalıb

    Bakı. 15 oktyabr. REPORT.AZ/ İpoteka kreditləri də daxil olmaqla daşınmaz əmlakın tikintisinə və alınmasına kredit qoyuluşu bu il sentyabrın 1-nə 1 592,1 mln. manat təşkil edib.

    Bu barədə "Report"a Mərkəzi Bankdan məlumat verilib. 

    Bankdan bildirilib ki, avqust ayında kreditləşmə 6,8%, illik müqayisədə isə 17,1% artıb.

    Bu il sentyabrın 1-nə əsasən maliyyə-kredit təşkilatları tərəfindən ölkə iqtisadiyyatına kredit qoyuluşunda bu sahənin kreditləşməsinin xüsusi çəkisi 9,5% -ə çatıb. Bu isə öz növbəsində əvvəlki ayla müqayisədə 0,6 faiz bəndi, ötən ilin eyni dövrü ilə müqayisədə 2,7 faiz bəndi artım deməkdir.

    Qeyd edək ki, cari il sentyabrın 1-nə əsasən ölkə iqtisadiyyatına kredit qoyuluşunun 6 272,7 mln. manat və ya 37,2%-i məhz ev təsərrüfatlarına kreditlərin payına düşüb. Bu sahədə kreditləşmə aylıq müqayisədə 0,6% artıb, ötən ilin eyni dövrü ilə müqayisədə isə 18,4% azalıb.

    Xatırladaq ki, sentyabrın 1-nə ölkə iqtisadiyyatıan cəmi kredit qoyuluşu 16 839,7 mln. manat təşkil edib ki, bunun da 9,5% və ya 1 592,9 mln. manatı vaxtı keçmiş kreditlər olub.  

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi