Azərbaycan Mərkəzi Bankı 100 mln. manatlıq not yerləşdirib

Bakı. 20 sentyabr. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) 50100261S dövlət qeydiyyat nömrəli, 100 mln. manatlıq, 28 gün tədavül müddəti olan diskontlu notlarının yerləşdirilməsi üzrə hərrac keçirilib.

“Report” BFB-yə istinadən xəbər verir ki, hərraca 17 investor qiyməti 99,2278 manat (10,01%) olan 22 sifariş təqdim edib. Sifarişlərin nominal qiymətlə ümumi məbləği 380 976 700 manat təşkil edib.

AMB-nin qərarına əsasən istiqrazların kəsmə və orta ölçülmüş qiyməti 99,2278 manat (10,01%) müəyyən edilib və notların hamısı yerləşdirilib.

Qiymətli kağızların ödəmə tarixi 18 oktyabr 2017-ci ildir.