Bakı. 4 oktyabr. REPORT.AZ/ Azərbaycanda fəaliyyət göstərən kommersiya banklarının xarici öhdəlikləri bu il sentyabrın 1-nə 1 841,6 mln. manat təşkil edib.
"Report" bu barədə Azərbaycan Mərkəzi Bankına (AMB) istinadən xəbər verir.
Bu, avqustun 1-i ilə müqayisədə 42,7 mln. manat və yaxud 2,3% azdır. Son 1 ildə isə kommersiya banklarının xarici öhdəlikləri 4 586,7 mln. manat və yaxud 3,5 dəfə azalıb. İlin əvvəlindən isə bu göstəricidə 466,7 mln. manat və yaxud 20,2% azalma qeydə alınıb.