Yuxarı
    Bağlamaq

    AMB-nin notlarına tələbat gözlənildiyindən 55% az olub

    Bu gün qurumun qısamüddətli notlarının yerləşdirilməsi üzrə hərrac keçirilib

    Bakı. 8 fevral. REPORT.AZ/ Bu gün Bakı Fond Birjasında (BFB) Azərbaycan Mərkəzi Bankının (AMB) ümumi həcmi 50 mln. manat, hər birinin nominal dəyəri 100 manat, tədavül müddəti 29 gün olan qısamüddətli notlarının (50100653S) yerləşdirilməsi üzrə hərrac keçirilib. Bu barədə “Report”a BFB-dən bildirilib.

    Məlumata görə, hərraca 3 investor 3 sifariş təqdim edib. Sifarişlərin nominal üzrə ümumi məbləği 22,759 mln. manat olub. Sifarişlər 98,8065 manat (14,9948%)-99,96 manat (13,0460%) qiyməti ilə təqdim edilib. Notların rəqabətli sifarişlər üzrə kəsmə qiyməti emitent tərəfindən 98,8065 manat (14,9948%), ortaölçülmüş qiymət 98,8409 manat (14,5575%) müəyyən edilib.

    Bağlanılmış əqdlər üzrə hesablaşmalar bu gün həyata keçirilib. Notların nominal üzrə reallaşdırılmış həcmi 22,759 mln. manat məbləğində müəyyənləşdirilib.

    Qiymətli kağızların ödəmə tarixi 9 mart 2017-ci ildir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi