Yuxarı

AMB ev təsərrüfatları ilə bağlı sorğu keçirəcək

AMB ev təsərrüfatları ilə bağlı sorğu keçirəcək
Bu məqsədlə Mərkəzi Bank sorğunu keçirəcək təşkilatın müəyyənləşdirilməsi üçün tender elan edib
© Report

Bakı. 30 avqust. REPORT.AZ/ Azərbaycan Mərkəzi Bankı (AMB) “Ev təsərrüfatlarının istehlakçı davranışları və niyyətləri” sorğusunun keçirilməsi üzrə xidmətin satın alınması məqsədilə açıq tender keçirir.

“Report” bu barədə AMB-yə istinadən xəbər verir.

Tenderdə iştirak etmək üçün iddiaçı tender təklifinin qiymətinin 1%-i məbləğində bank təminatı, iddiaçının oxşar işlərdə son 3 il ərzində təcrübəsinin olması barədə məlumat, ən azı 2 korporativ müştəri tərəfindən verilən tövsiyə məktubu və s. sənədlər təqdim etməlidir.

İddiaçı tender təklifini və tender təklifinin bank təminatını 13 oktyabr 2017-ci il saat 18:00-a qədər, digər tələb olunan sənədləri isə 4 oktyabr saat 18:00-a qədər Mərkəzi Bankın inzibati binasına təqdim etməlidir. İddiaçılar tenderdə iştirak haqqı kimi AMB-nin hesabına 150 manat məbləğində vəsait köçürməlidir.

Tender proseduru 16 oktyabr 2017-cı ildə AMB-nin inzibati binasında keçiriləcək.

Tender üzrə əlaqələndirici şəxslər Hüquq Departamentinin əməkdaşı Elvin Şirdanov (tel.: 493 11 22, daxili 428) və Statistika Departamentinin əməkdaşı Məlik Mövsümzadədir (tel.: 493 11 22, daxili 293).

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi