ADB-nin departamentinin Baş direktoru: CAREC ümumi davamlı inkişaf üçün açıq inklüziv platformadır

Mərkəzi Asiya Regional İqtisadi Əməkdaşlıq (CAREC) proqramı insanları, siyasətçiləri və layihələri ümumi davamlı inkişaf üçün bir araya gətirmək məqsədi daşıyan açıq, inklüziv platformadır.

"Report"un Tbilisiyə ezam olunmuş əməkdaşının verdiyi məlumata görə, bunu Asiya İnkişaf Bankının Mərkəzi və Qərbi Asiya Regional Departamentinin Baş direktoru Yevgeni Jukov Asiya İnkişaf Bankının (ADB) 57-ci illik toplantısı çərçivəsində "CAREC regionunda daha ekoloji cəhətdən təmiz əlavə dəyər zəncirlərinin maliyyələşdirilməsi" adlı tədbirdə deyib.

“2001-2023-cü illər arasında ADB-nin nəqliyyat, enerji və ticarət sektorlarına investisiyaları 50 milyard dollar təşkil edib”, - o bildirib.