Yaponiya ilə Panama bank hesabları məlumatlarının mübadiləsinə dair saziş imzalayacaq

Bakı. 23 may. REPORT.AZ/ Yaponiya və Panama bank hesabları barədə məlumatların mübadiləsinə dair saziş imzalayacaq. "Report"un TASS-a istinadən verdiyi xəbərə görə, bu barədə Yaponiya Maliyyə Nazirliyi açıqlama yayıb. 

Nazirliyin məlumatına əsasən, Panama hökuməti ilə bank hesabları, o cümlədən ofşorlar haqqında məlumatların mübadiləsi ilə saziş imzalanmasına dair razılığa gəlinib.

Qeyd edək ki, Yaponiya Panama ilə bank hesabları barədə məlumatların avtomatik mübadiləsinə dair saziş imzalayan ilk ölkə olacaq.