Bakı. 22 avqust. REPORT.AZ/ "Xalq Bank" ASC ABŞ dollarında qəbul etdiyi əmanətlərin illik faiz dərəcələrini 1 bənd azaldıb. Bu barədə "Report"a Bankdan bildirilib.
Məlumata görə, hazırda 1 il müddətinə dollarla əmanətlər illik 2%-lə qəbul edilir. Bundan əvvəl isə illik gəlirlilik 3% olub.
Bankın Azərbaycan manatı və avro ilə əmanət qəbulu şərtlərində isə dəyişiklik yoxdur.
Xatırladaq ki, "Xalq Bank" 2004-cü ildə yaradılıb. Onun nizamnamə kapitalı 211 646 490 manatdır. Bu məbləğ hər birinin nominal dəyəri 58,3 manat olan 3 630 300 səhm əsasında formalaşıb. Səhmlərin 50%-i "İdeal Business Co." MMC-yə ("Xalq Sığorta" ASC-nin 50%-lik səhmdarı), 33,85%-i "Euro Standard" MMC-yə ("Xalq Sığorta" ASC-nin 50%-lik səhmdarı), 16,15%-i isə "AMAL Invest Group" MMC-yə məxsusdur.