"Visa": "Sərnişinlərin 95 %-i ödənişi təmassız etmək istəyir"

"2021-ci ildə apardığımız araşdırmalara görə, Azərbaycanda sərnişinlərin 95 %-i ödənişi təmassız etmək istəyir".

"Report" xəbər verir ki, bunu Bakıda “Azərbaycan Fintex Assosiasiyası” İctimai Birliyinin təşkilatçılığı ilə keçirilən “Azərbaycanda fintex ekosostemi: Bu gün və sabah" adlı konfransda "Visa" beynəlxalq kart təşkilatının Azərbaycan üzrə meneceri Nurlan Hacıyev bildirib.

"Azərbaycanda 14 dəmir yolu stansiyasında ödənişin təmassız olması üçün turniketlər quraşdırılıb. Hazırda ölkədəki banklardan 10-u "Apple Pay"i, 8-i isə "Google Pay"i dəstəkləyir və getdikcə onların sayı artacaq", - deyə "Visa" rəsmisi qeyd edib.