Texniki baxış zamanı ödəniləcək utilizasiya haqqının məbləği müəyyənləşib

Hər il nəqliyyat vasitələrinin dövlət texniki baxışı zamanı ödəniləcək utilizasiya haqqının məbləği açıqlanıb.

"Report"un məlumatına görə, Baş nazir Əli Əsədov bununla bağlı “Nəqliyyat vasitələrinin utilizasiyası fondunun vəsaitinin formalaşdırılması və istifadə Qaydası”nı təsdiqləyib.

Qərarla “Yol hərəkəti haqqında” qanunun 27- ci maddəsinin II və III hissələrində nəzərdə tutulan nəqliyyat vasitələri hər dövlət texniki baxışı zamanı istehsal və buraxılış ili 4 ildən 10 ilədək olduqda - 10 manat, 10 ildən 20 ilədək olduqda - 20 manat, 20 ildən 30 ilədək olduqda - 30 manat, 30 il və daha çox olduqda 40 manat utilizasiya haqqı ödəniləcək.

Qərar sabahdan qüvvəyə minəcək.