Bakı. 2 may. REPORT.AZ/ “Biz müxtəlif sahələrdə Asiya İnfrastruktur İnkişaf Bankı (AİİB) ilə əməkdaşlıq etməyə hazırıq”. “Report”un xəbərinə görə, Bakıda Asiya İnkişaf Bankının (AİB) Rəhbərlər Şurasının 48-ci İllik Toplantısının çərçivəsində keçirilən mətbuat konfransında jurnalistlərin suallarını cavablandıran Asiya İnkişaf Bankının prezidenti Takehiko Nakao deyib.
T.Nakaonun sözlərinə görə, AİB AİİB-lə bir çox sahələrdə əməkdaşlıq edilməsi ilə bağlı razılıq əldə edib:
“Bizim fəaliyyətimizin bir hissəsi yoxsulluğun azaldılması ilə əlaqədardısa, digər qismi infrastrukturun inkişafı ilə bağlıdır. Bu baxımdan, bizim fikrimiz AİİB ilə üst-üstə düşür. Bizim bir çox sahələri birgə maliyyələşdirməyimiz üçün razılığımız var”.