“Sumqayıt-Polimer"in səhmdarlarının yığıncağı keçiriləcək

İyunun 28-i, saat 15:00-da “Sumqayıt-Polimer" ASC-nin səhmdarlarının növbəti ümumi yığıncağı keçiriləcək.

“Report” xəbər verir ki, yığıncaq Sumqayıt şəhəri, Kimyaçılar küçəsi, ev 12 ünvanında olacaq.

Yığıncağın gündəliyinə şirkətin mühasibat balansını, mənfəət və zərər hesabatlarının təsdiq edilməsi və digər məsələlər daxildir.

Xatırladaq ki, “Sumqayıt-Polimer" 1998-ci ildə yaradılıb. Onun nizamnamə kapitalı 1,484 milyon manatdır.