SOCAR Maliyyə Nazirliyinə və yerli kredit təşkilatlarına borcunu azaldıb

Bu il iyulun 1-nə Azərbaycan Dövlət Neft Şirkətinin (SOCAR) cəmi borc öhdəlikləri 718 milyon manat olub.

"Report" bu barədə şirkətin maliyyə hesabatına istinadən xəbər verir.

Hesabata görə, bu, 2022-ci ilin iyulun 1-nə nisbətən 23,1 % azdır.

SOCAR-ın borc öhdəliklərinin 48,5 %-ni və ya 348 milyon manatını Maliyyə Nazirliyindən (0,1-1,5 %-si ilə) götürülüb ki, bu da, illik müqayisədə 15,3 % azdır.

Hesabat dövründə şirkətin "Azərbaycan Beynəlxalq Bankı" ASC-dən alınan krediti 33,9 % azalaraq 293 milyon manata (4,4-4,8 % ilə), "Aqrarkredit" QSC-dən alınan krediti 3,8 % azalaraq 77 milyon manata (0,16-5 % ilə) endirilib.