SOCAR-ın istiqrazlarının alış qiyməti bir qədər də artırılıb

SOCAR-ın istiqrazlarının alış qiyməti bir qədər də artırılıb Qiymətli kağızların satış qiyməti isə dəyişməyib
Maliyyə
125
4 Noyabr , 2016 12:58
SOCAR-ın istiqrazlarının alış qiyməti bir qədər də artırılıb

Bakı. 4 noyabr. REPORT.AZ/ Azərbaycan Dövlət Neft Şirkətinin (SOCAR) istiqrazları üzrə market-meyker fəaliyyəti göstərən "PSG Kapital İnvestisiya Şirkəti" QSC qiymətli kağızların alış qiymətini daha 2 dollar artırıb. Bu barədə "Report" "Bakı Fond Birjası" QSC-yə istinadən xəbər verir.

Məlumata görə, hazırda SOCAR istiqrazları 1 012 dollardan alınır. İstiqrazların satış qiyməti isə 1 025 dollar olaraq qalıb.

Bununla da "PSG Kapital" hər SOCAR istiqrazının alqı-satqısı üzrə gəlir marjasını yenidən 15 dollardan 13 dollara endirib.

SOCAR istiqrazlarının təkrar bazarına oktyabrın 18-dən start verilib. Hazırda Şirkətin dövriyyədə hər birinin nominal dəyəri 1 000 ABŞ dolları olan 100 min istiqrazı var. SOCAR-ın gerialma zəmanəti verdiyi istiqrazlar 2021-ci ilə qədər tədavüldə olacaq. Onların illik gəlirliliyi 5%-dir. Faizlər 3 aydan bir ödənilir. 

İngilis versiyası SOCAR bonds price up again

Son xəbərlər

Orphus sistemi