Slovakiyanın audit rəsmisi: "Fövqəladə vəziyyətlər üçün ehtiyat fondları olmalıdır"

Ölkələr fövqəladə vəziyyətlər üçün ehtiyat fondları yaratmalıdır.

"Report" xəbər verir ki, bunu Slovakiyanın Ali Audit Orqanının auditoru Vladimir Matus Ali Audit Qurumlarının Avropa Təşkilatının (EUROSAI) Ətraf Mühitin Auditi üzrə İşçi Qrupunun (WGEA) Bakıda keçirilən illik toplantısında bildirib.

"Təbii fəlakətlərin vurduğu zərərləri qarşılayacaq ehtiyat fondları olmalıdır. Bu fondlar zərərlərin dərhal aradan qaldırılması və iqtisadi stabilliyin qorunması üçün vacibdir", - deyə o qeyd edib.

O, dövlət səviyyəsində fəlakətlərdən qorunmaq üçün sığorta mexanizmlərinin inkişaf etdirilməsini tövsiyə edib: "Bu, iqtisadi itkilərin sığorta təminatı ilə qarşılanmasını təmin edə bilər".