Sahibkarlara tətbiq olunan sanksiyaların siyahısı genişləndirilib

“Sadələşdirilmiş vergi üzrə sabit məbləğin və məcburi dövlət sosial sığorta haqqının ödənilməsi haqqında qəbz” almadan sahibkarlıq fəaliyyətinin həyata keçirilməsinə görə vergi ödəyicisinə təqvim ili ərzində 1-ci dəfə baş verəndə aylıq sabit vergi və məcburi sosial sığorta haqqı məbləğlərinin 40 %-i miqdarında, iki və daha çox dəfə yol verildikdə isə 100 %-i miqdarında maliyyə sanksiyası tətbiq edilir.

“Report” xəbər verir ki, bu, Vergi Məcəlləsinə təklif olunan dəyişikliklərdə öz əksini tapıb.

Xatırladaq ki, hazırda qüvvədə olan Məcəlləyə görə, 1-ci dəfə baş verəndə aylıq sabit verginin 40 %-i, iki və daha çox dəfə baş verəndə isə sabit verginin 100 %-i miqdarında maliyyə sanksiyası tətbiq edilirdi.