​Rüfət Aslanlı: "Qorunan əmanətlər üzrə faiz dərəcəsinə baxmağa hazırıq"

Bakı. 22 iyul. REPORT.AZ/ Maliyyə Bazarlarına Nəzarət Palatası (MBNP) Azərbaycan manatı ilə qorunan əmanətlərin faiz dərəcəsinin yuxarı həddinə baxmağa hazırdır. "Report" xəbər verir ki, bu barədə keçirdiyi mətbuat konfransında MBNP-nın Direktorlar Şurasının sədri Rüfət Aslanlı məlumat verib.

Bununla belə, onun sözlərinə görə, bu məsələ təkcə rəhbərlik etdiyi qurumda deyil, Azərbaycan Mərkəzi Bankı ilə birlikdə müzakirə obyekti olmalıdır: "Bu məsələdə iki monetar qurumun baxışları əlaqələndirilməlidir".