Qızılın qiyməti 1890 dollar səviyyəsində sabitləşib

Qızılın bir unsiyasının qiyməti 1890 dollar səviyyəsində sabitləşib.

“Report” birjalara istinadən xəbər verir ki, Nyu-Yorkun “Comex” birjasında qızılın aprel fyuçersləri 0,03 % və ya 0,65 ABŞ dolları bahalaşaraq 1 unsiyası 1891,35 dollara satılıb. Gümüşün mart fyuçerslərinin qiyməti isə 0,12 % artaraq 1 unsiyası 22,448 ABŞ dolları təşkil edib.

İnvestorlar ABŞ Federal Ehtiyatlar Sisteminin (FES) siyasətinin perspektivlərini qiymətləndirməkdə davam edirlər.