Qızıl dolların möhkəmlənməsi fonunda cüzi ucuzlaşıb

Qızılın qiyməti cüzi düşüb. ABŞ-ın makro statistik məlumatlarının açıqlanmasından sonra ABŞ dollarının bahalaşması qızılın qiymətinə təsir göstərib.

“Report” xəbər verir ki, Nyu-Yorkun “Comex” birjasında qızılın dekabr fyuçersləri 1,9 ABŞ dolları (0,1 %) azalaraq 1 unsiyası 1942,3 ABŞ dollarına satılıb.

Gümüşün dekabr fyuçerslərinin qiyməti 1 unsiyaya görə 23,402 ABŞ dolları təşkil edib.