“Pro Kredit” BOKT-un aktivləri 3 % azalıb

“Pro Kredit” ASC bank olmayan kredit təşkilatı (BOKT) 2023-cü ili 69 min manat mənfəətlə başa vurub.

“Report” BOKT-un maliyyə hesabatına istinadən xəbər verir ki, bu, 2022-ci illə müqayisədə 46,8 % çoxdur.

Bu il yanvarın 1-nə “Pro Kredit”in aktivləri 2,799 milyon manat olub ki, bu da illik müqayisədə 2,6 % azdır. Bunun 2,486 milyon manatı müştərilərə verilmiş kreditlərdir. 2023-cü ildə BOKT-un kredit portfeli 15,6 % böyüyüb.

Hesabat dövründə “Pro Kredit”in öhdəlikləri 7,9 % azalaraq 1,673 milyon manata düşüb, balans kapitalı isə 6,5 % artaraq 1,127 milyon manata çatıb.

Xatırladaq ki, “Pro Kredit” BOKT 2011-ci ildə yaradılıb. Onun nizamnamə kapitalı 1,1 milyon manatdır.