Prezident: Azərbaycan sabitdir, özünü təmin edir və gələcəyə dair aydın baxışı var

Son 20 ildə Azərbaycana xarici investisiyalar təxminən 200 milyard ABŞ dolları təşkil edib.

“Report”un məlumatına görə, bunu Azərbaycan Prezidenti İlham Əliyev III Şuşa Qlobal Media Forumunun iştirakçıları ilə görüşdə bildirib.

Prezident vurğulayıb ki, Azərbaycanın aparıcı beynəlxalq şirkətlərlə yaxşı əlaqələri var: "Onların bir çoxu ilə biz investor kimi işləyirik. Vəsaitlərimizi beynəlxalq şirkətlər vasitəsilə investisiya edirik. Eyni zamanda, enerji sektoruna xarici investisiyaların cəlb edilməsində yaxşı təcrübəyə malikik. Son 20 ildə Azərbaycana təkcə xarici investisiyalar təxminən 200 milyard ABŞ dolları təşkil edib. Beləliklə, ölkə, artıq dediyim kimi, sabitdir, özünü təmin edir və gələcəyə dair aydın baxışı var".