Azərbaycanda POS-terminalların sayı artıb

Bakı. 4 yanvar. REPORT.AZ/ Azərbaycanda nağdsız ödəniş vasitəsi olan POS-terminalların sayı ötən ilin noyabr ayında 50 ədəd artaraq dekabrın 1-nə 65 912-yə çatıb.

“Report” bu barədə Azərbaycan Mərkəzi Bankına (AMB) istinadən xəbər verir.

Hesabata əsasən, 2018-ci ilin əvvəli ilə müqayisədə POS-terminalların sayında 441 ədəd artım, 2017-ci ilin eyni dövrü ilə müqayisədə isə 116 ədəd azalma qeydə alınıb. 

Noyabrın sonuna ölkədəki POS-terminalların 38 602-si və yaxud 58,6%-i Bakıda, 27 310-u və yaxud 41,4%-i regionlarda olub.