“Paşa Həyat Sığorta” səhmdarına ödədiyi dividendin məbləğini açıqlayıb

“Paşa Həyat Sığorta” ASC ötən ilin maliyyə nəticələrinə əsasən hesablanmış mənfəətindən səhmdarına vergilər daxil olmaqla 26,253 milyon manat dividend ödəyib.

“Report” xəbər verir ki, bu barədə şirkətin illik idarəetmə hesabatında bildirilir.

Xatırladaq ki, "PAŞA Həyat Sığorta" 2010-cu ildə yaradılıb. Onun nizamnamə kapitalı 40,25 milyon manatdır. Şirkətin səhmləri 100% daxil olduğu "PAŞA Holdinq" MMC-yə məxsusdur.