“Partner Finance” yeni səhmdar cəlb edib

Azərbaycanda lizinq fəaliyyəti ilə məşğul olan “Partner Finance” QSC-nin səhmdarlarının sayı artıb.

"Report" xəbər verir ki, bu, şirkətin nizamnamə kapitalının 50 min manat və yaxud 49 % artırılaraq 102 min manatdan 152 min manata çatdırılmasından sonra baş verib.

Belə ki, kapital artımı üçün dövriyyədə buraxılmış yeni səhmləri Nərmin İsmayılzadə əldə edib, “Partner Finance”da 32,9 % paya malik olub. Əvəzində indiyə qədər səhmlərin ayrı-ayrılıqda 49 %-nə nəzarət edən Anar Nuriyev və Şamama Qurbanovanın payları da müvafiq olaraq 32,9 %-ə, adı açıqlanmayan bir fiziki şəxsin payı isə 2%-dən 1,3 %-ə düşüb. Səhmdarların ümumi sayı isə 3-dən 4-ə yüksəlib.

Xatırladaq ki, “Partner Finance” 2020-ci ildə yaradılıb.