"Parabank"dan "Nikoil Bank"a transferlər davam edir

"Parabank"dan "Nikoil Bank"a transferlər davam edir "Nikoil Bank"ın sədrinin hüquq məsələləri üzrə müşaviri dəyişib
Maliyyə
172
30 Avqust , 2016 10:21
Parabankdan Nikoil Banka transferlər davam edir

Bakı. 30 avqust. REPORT.AZ/ "Nikoil Bank" ASC-nin İdarə Heyəti sədrinin hüquq məsələləri üzrə müşaviri dəyişib. "Report"un əldə etdiyi məlumata görə, bu vəzifəyə Firudin Hüseynbəyli gətirilib.

O, bundan əvvəl hazırda ləğvetmə prosesində olan "Parabank" ASC-də ştatdankənar hüquqşünas vəzifəsində çalışıb. F.Hüseynbəyli yeni işində Ayxan Rüstəmzadəni əvəz edib.

Bu, son bir ayda "Parabank"dan "Nikoil Bank"a sayca 3-cü transferdir. Bir qədər əvvəl "Parabank"ın hüquq şöbəsinin rəisi Elşən Kərimov "Nikoil Bank"ın hüquq şöbəsinin rəisi, "Parabank"ın baş icraçı direktoru Cəlal Nağıyev isə "Nikoil Bank"ın Problemli aktivlərin idarə edilməsi Departamentinin direktoru vəzifəsinə təyinat alıb.

Xatırladaq ki, "Nikoil Bank" ASC 1994-cü ildən fəaliyyət göstərən "Ülpər" kommersiya bankının bazasında, 2002-ci ildə yaradılıb. Bankın təsisçiləri "Topaz İnvestments" QSC (56,4%), "Nikoil" QSC (42,6%) və "ISR Holding" MMC-dir (1%).

Son xəbərlər

Orphus sistemi