Nyu-York birjasında qiymətlər yüksəlib

Yeni növ koronavirus pandemiyası fonunda ABŞ-da iqtisadi dirçəliş tendensiyası Nyu-York Fond Birjasında (NYSE) başlıca indekslərinin artımına səbəb olub.

“Report” xəbər verir ki, “Dow Jones” sənaye indeksi 316,01 bənd (0,93%) artaraq 34 137,31 bəndə, “Standard & Poor 500” indeksi 38,49 bənd (0,93%) artaraq 4 173,43 bəndə, “Nasdaq” elektron birjasının indeksi də 163,95 bənd (+1,19%) artaraq 13 950,22 bəndə yüksəlib.

WTI markalı neftin may fyuçersləri 1,52 ABŞ dollar (2,43%) ucuzlaşaraq 61, 09 ABŞ dollarından satılıb.