ABŞ-da xammal ehtiyatları haqqında həftəlik statistik məlumatların açıqlanmasından sonra ucuzlaşmış neftin qiyməti 2%-dək artıb.
“Report” birjalara istinadən xəbər verir ki, Şimal dənizində hasil olunan “Brent” neftinin may fyuçersləri 1,87% bahalaşaraq, 1 bareli 99,84 ABŞ dollarına satılıb. WTI neftinin aprel fyuçerslərinin qiyməti isə 1,83% artaraq, 1 bareli 96,78 ABŞ dolları təşkil edib.
Martın 11-dək olan həftə ərzində ABŞ-da neftin kommersiya ehtiyatları 4,3 milyon barel və ya 1,1% artaraq, 415,9 milyon abrelə çatıb. Analitiklər isə 1,4 milyon barel azalmanın qeydə alınacağını gözləyirdilər.