Naxçıvan iqtisadiyyatı 2 %-ə yaxın böyüyüb

Bu ilin yanvar-aprel aylarında Naxçıvan MR-da 776 milyon 671 min manatlıq ümumi daxili məhsul (ÜDM) istehsal olunub.

“Report”un yerli Dövlət Statistika Komitəsinə istinadən verdiyi məlumata görə, bu, ötən ilin eyni dövrü ilə müqayisədə 1,7 % çoxdur.

Son 1 ildə muxtar respublikada bir nəfərə düşən ÜDM-in dəyəri isə 2 % artaraq 1 677 manat olub.

Hesabat dövründə Naxçıvanda ÜDM-in tərkibində ilk yeri sənaye sahəsi tutub. 4 ay ərzində muxtar respublikada 354 milyon 201 min manat dəyərində məhsul istehsal edilib ki, bu da illik müqayisədə 1,6 % çoxdur.