"NASDAQ" birjası gələn il bitkoinlə fyuçers əməliyyatlarına başlayacaq

Bakı. 30 noyabr. REPORT.AZ/ ABŞ-ın "NASDAQ" texnologiya sektoru fond birjası kriptovalyuta bazarına marağın kəskin artması fonunda, vəziyyətdən istifadə etmək qərarına gəlib. 

"Report" xəbər verir ki, investorları cəlb etmək məqsədi ilə "NASDAQ" 2018-ci ilin II rübündən etibarən bitkoin maliyyə aləti üzrə fyuçers əməliyyatlarına başlamağı hədəfləyib.

Qeyd edək ki, bununla da "NASDAQ", ABŞ-da "CME" və "CBOE Global Markets"dən sonra bitkoinə qapılarını açan üçüncü nəhəng fond birjası olacaq. Lakin "NASDAQ" 4 mənbədən istifadə edən digər iki fond birjasından fərqli olaraq 50-yə yaxın mənbədən qiymətin formalaşmasında istifadə edəcəyini bildirib.