Bakı. 25 dekabr. REPORT.AZ/ Gələn il Türkiyədə minimum əmək haqqı bu illə müqayisədə 26,1% artırılaraq 2 020 lirəyə (646,8 manata) çatdırılacaq.
“Report” türk mətbuatına istinadən xəbər verir ki, bu barədə Türkiyə Prezidenti Rəcəb Tayyib Ərdoğan bildirib.
Onun sözlərinə görə, minimum maaşın artırılması ilə Türkiyə vətəndaşlarına ödənilən ən aşağı işsizlik müavinətinin məbləği 805 lirədən 1 015 lirəyə, ən yüksək işsizlik müavinətinin məbləği isə 1 611 lirədən 2 030 lirəyə qalxacaq.