Milli Depozit Mərkəzinin kupon ödənişləri 40% artıb

Milli Depozit Mərkəzi bu ilin fevral ayında ödəniş agenti qismində dövlət qiymətli kağızları və korporativ istiqrazlar üzrə həyata keçirdiyi kupon ödənişlərinin məbləğini açıqlayıb.

“Report"un məlumatına görə, ötən ay qurum 835 investor üzrə 71,8 milyon manat və 1,4 milyon ABŞ dolları (ümumilikdə 74,2 milyon manat) ödəniş edib.

Bu, ötən ilin fevral ayına nisbətən təxmnən 40% çoxdur.

Ödənişlər Maliyyə Nazirliyi, Dövlət Neft Şirkəti (SOCAR), "Embafinans” QSC bank olmayan kredit təşkilatı (BOKT), “Ferrum Kapital” və “Silk Vey Vest Aviaşirkəti” MMC-lər üçün həyata keçirilib.