Mikayıl Cabbarov Maliyyə Monitorinqi Xidməti 15 illiyi münasibətilə təbrik edib

İqtisadiyyat naziri Mikayıl Cabbarov Maliyyə Monitorinqi Xidmətinin yaradılmasının 15 illiyi münasibəti ilə təbrik edib.

“Report” xəbər edir ki, bununla bağlı nazir özünün “X” sosial şəbəkəsindəki hesabında paylaşım edib.

“Bu gün Maliyyə Monitorinqi Xidmətinin yaradılmasının 15 illiyidir. Azərbaycan Respublikası Prezidentinin Fərmanı ilə yaradılmış qurum maliyyə hüquqpozmaları ilə effektiv mübarizənin təşkilinə, şəffaf və etibarlı maliyyə sisteminin formalaşmasına, dövlətimizin iqtisadi təhlükəsizliyinin gücləndirilməsinə mühüm töhfələr verir”, - deyə M.Cabbarov bildirib.

Nazir bu əlamətdar tarix münasibətilə həmkarlarına təbrikləri çatdırıb, Xidmətin fəaliyyətinə uğurlar arzulayıb.

Bu gün #MaliyyəMonitorinqiXidməti-nin yaradılmasının 15 illiyidir. #Azərbaycan Respublikası Prezidentinin Fərmanı ilə yaradılmış qurum maliyyə hüquqpozmaları ilə effektiv mübarizənin təşkilinə, şəffaf və etibarlı maliyyə sisteminin formalaşmasına, dövlətimizin #iqtisadi… pic.twitter.com/FXQBW5B4dx

— Mikayil Jabbarov (@MikayilJabbarov) February 23, 2024