MİDA və onun tabeliyindəki şirkət auditor seçir

Mənzil İnşaatı Dövlət Agentliyi (MİDA) və onun tabeliyindəki MİDA MMC 2024-cü il üzrə maliyyə-təsərrüfat fəaliyyətinin auditi üçün kotirovka sorğuları elan edib.

"Report" xəbər verir ki, sorğularda iştirak haqqı 63 manatdır.

İddiaçılar təkliflərini müvafiq olaraq dekabrın 19-na və 24-nə qədər MİDA-nın yerləşdiyi Bakı şəhəri, Nəsimi rayonu, Süleyman Rüstəm küçəsi, 31 ünvanına təqdim edə bilərlər.

Təkliflərə müvafiq olaraq dekabrın 19-da, saat 10:00-da və dekabrın 24-də, saat 15:00-da qeyd olunan ünvanda baxılacaq.