AMB I yarımildə 136 min manata yaxın cərimə, maliyyə sanksiyası tətbiq edib

Bu ilin I yarısında Azərbaycan Mərkəzi Bankı (AMB) 18 yoxlama və 47 nəzarət tədbiri həyata keçirib.

“Report” bu barədə AMB-yə istinadən xəbər verir.

Məlumata görə, yanvar-iyun aylarında qurum maliyyə sektoruna 135 609 manat cərimə, maliyyə sanksiyası tətbiq edib.

Hesabat dövründə AMB maliyyə sektorunda 37 lisenziyanın ləğvi, dayandırılması və yaxud məhdudlaşdırılması ilə bağlı tədbir görüb. Belə ki, 6 ayda 28 fiziki və 2 hüquqi şəxs sığorta agentinin lisenziyası dayandırılıb, 6 fiziki şəxs və 1 müstəsna hüquqi şəxs sığorta agentinin lisenziyası isə ləğv edilib.