MBNP: Azərbaycanın qiymətli kağızlar bazarı ötən il 12% böyüyüb

Bakı. 16 fevral. REPORT.AZ/ Azərbaycanın 2017-ci ildə qiymətli kağızlar bazarında 15,7 mlrd. manat dəyərində əməliyyat aparılıb ki, bu da 2016-cı illə müqayisədə 12% çoxdur.

“Report” Maliyyə Bazarlarına Nəzarət Palatasına istinadən xəbər verir ki, hesabat dövründə dövlət qiymətli kağızlar bazarı 7,3 dəfə, korporativ qiymətli kağızların təkrar bazarı isə 2,8 dəfə artıb.

Ötən il 11,5 mlrd. manat və 4,1 mlrd. ABŞ dolları məbləğində qiymətli kağızların dövlət qeydiyyatı həyata keçirilib.