İqtisadi Zonaların İnkişafı Agentliyi ötənilki gəlirlərini və xərclərini açıqlayıb

2021-ci ildə İqtisadiyyat Nazirliyinin İqtisadi Zonaların İnkişafı Agentliyi (İZİA) 32,454 milyon manat gəlir əldə edib.

"Report" qurumun maliyyə hesabatına istinadən xəbər verir ki, bunun 30,321 milyon manatı əsas əməliyyat gəliri, 2,133 milyon manatı isə sair əməliyyat gəliri olub.

Ötən il İZİA-nın xərci isə 32,023 milyon manat, o cümlədən istifadə edilmiş material ehtiyatları üzrə xərci 3 min manat, işçi heyəti üzrə xərci 4,557 milyon manat, amortizasiya xərci 4,49 milyon manat, digər əməliyyat xərci 22,429 milyon manat, sair əməliyyat xərci isə 542 min manat olub.