“InvestAZ”dan dünya maliyyə bazarları ilə bağlı həftəlik analiz

“InvestAZ”dan dünya maliyyə bazarları ilə bağlı həftəlik analiz "Invest-AZ İnvestisiya Şirkəti"nin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.
Maliyyə
126
21 Dekabr , 2020 10:58
“InvestAZ”dan dünya maliyyə bazarları ilə bağlı həftəlik analiz

"Invest-AZ İnvestisiya Şirkəti"nin analitikləri bu həftə üzrə dünya maliyyə bazarlarında son vəziyyət və qısa müddət ərzində gözlənilənlərlə bağlı məlumat verib.

EUR

Beynəlxalq valyuta birjalarında Avropada iqtisadiyyata dair narahatlıqların artması, avronun ucuzlaşmasına səbəb olub. Risklər Avrozonada aylıq deflyasiyanın proqnozlaşdırılmadan 0.5%-ə yüksəlməsi ilə daha da artıb.

Təhlillərə əsasən, EURUSD 1.22$-ın altında qaldıqca, 1.21$-a kimi ucuzlaşa bilər.

Məzənnənin gələcək trendinin müəyyən olunması baxımından, Amerikada əmək bazarında vəziyyətin yenidən pisləşməsi, yeni büdcə qanununun qəbul edilməsi və Çin ilə gələcək münasibətlərə dair xəbərləri də diqqət mərkəzində saxlanılmalıdır.

GBP

İngiltərə hökümətinin ölkədə yeni koronavirus növünün aşkarlanması, infeksiyaların artması və nəzarətin gücləndirilməsinin önəmliyi haqqında danışması ilə GBPUSD məzənnəsi 1.3335$-a kimi 1.5% ucuzlaşıb. Ucuzlaşma qiymət 1.3321$-ın altında qalması ilə 1.32$-a kimi davam edə bilər.

Bununla yanaşı, AB ilə Breksit ticarət sazişi danışıqlarında da zamanın daralmasına baxmayaraq, yekun razılaşmanın əldə edilməməsi məzənnəyə olan təzyiqləri artırır. Bu istiqamətdə xəbərlər də investorların diqqət mərkəzindədir.

TRY

Maliyyə bazarlarında TCMB-nin bir həftəlik repo faiz dərəcəsini 16.5%-ə yüksəldəcəyinin proqnozlaşdırılması, USDTRY məzənnəsinin 7.61TL-yə düşməsinə səbəb olub. Proqnozlar özünü cümə axşamı Bakı vaxtı ilə saat 15:00-da doğrultmaqla bərabər, bankın açıqlamaları gələcək əlavə faiz artımlarına da siqnal verərsə, lirə 7.36TL-yə kimi bahalaşa bilər.

OIL

Dünya enerji bazarlarında neft hasilatının artması, Brent nefti qiymətinin 52$-da müqavimətlə rastlaşmasına səbəb olub. Bir barel üzrə qiymət 50$-ı qırarsa, 48$-a kimi də dəyər itirə bilər.

Çərşənbə günü saat 19:30-da dərc ediləcək ABŞ-ın neft ehtiyatları ilə bağlı göstəriciləri bu həftə də treyderlər tərəfindən böyük maraqla gözlənilir.

GOLD

Qlobal iqtisadi risklərin artması və yumşaq monetar siyasətlərin daha da genişləndirilməsi, əlvan metallar bazarlarında qızılaolan tələbi artırıb. Bir unsiya üzrə qiymət artıq 1900$-ın (61.1 $/qram) üzərində ticarət edilir və 1931$-a (62.1 $/qram) kimi dəyər qazana bilər.

İnvestisiya ilə bağlı suallarınızı *1234 telefon nömrəsi və www.investaz.az veb saytı vasitəsilə bizə ünvanlaya bilərsiniz.

“İnvest-AZ İnvestisiya Şirkəti” QSC-nin

Analitika Departamenti

“İnvest-AZ İnvestisiya Şirkəti” QSC-nin fəaliyyətini Azərbaycan Mərkəzi Bankı tənzimləyir. Şirkət, 9 yanvar 2016-cı il tarixli 087986 saylı lisenziyası əsasında broker, anderraytinq (diler), marja ticarəti (forex), fərdi investorların portfelinin idarə edilməsi, market meykerlik və s. investisiya xidmətləri üzrə fəaliyyət göstərir.

Risk bildirişi.

Yuxarıda göstərilən məlumatlar tamamilə tövsiyə xarakterlidir. Bu fəaliyyət üzrə həyata keçirilən əməliyyatlar yüksək risk qrupuna daxildir və “İnvest-AZ İnvestisiya Şirkəti” yuxarıda göstərilən məlumatlar əsas götürülməklə, həyata keçirilən investisiya əməliyyatları üzrə heç bir öhdəlik daşımır.

Son xəbərlər

Orphus sistemi