IMF 2023-cü il üçün qlobal ÜDM-in artım proqnozunu dəyişilməz saxlayıb

Beynəlxalq Valyuta Fondu (IMF) 2023-cü il üçün qlobal ÜDM-in artım proqnozunu 3 % səviyyəsində dəyişilməz saxlayıb, gələn il üçün proqnozunu isə 2,9 %-ə endirib.

“Report” xəbər verir ki, bu barədə beynəlxalq təşkilatın hesabatında vurğulanıb.

2024-cü il üçün qlobal iqtisadi artım proqnozu iyul ayında dərc edilən gözləntilərlə müqayisədə 0,1 faiz bəndi azaldılıb.

IMF-nin məlumatına görə, ötən il qlobal ÜDM artımı 3,5 % təşkil edib.