İcbari Tibbi Sığorta üzrə Dövlət Agentliyi sərbəst vəsaitinin 5%-dən çoxunu depozitə qoya bilməyəcək

Prezident İlham Əliyev “İcbari Tibbi Sığorta üzrə Dövlət Agentliyinin investisiya əməliyyatlarının aparılması Qaydası”na dəyişiklik edib.

“Report” xəbər verir ki, bunula bağlı dövlət başçısı yeni fərman imzalayıb.

Fərmana əsasən, bundan sonra depozit şəklində qoyulmuş investisiya Agentliyin investisiya edilmiş sərbəst maliyyə vəsaitinin 5 %-dən artıq olmamalıdır. İndiyə qədər bu göstərici 50 % idi.