İstanbulda mənzillər ucuzlaşır

Bakı. 21 dekabr. REPORT.AZ/ İstanbul şəhərinin Asiya hissəsində yerləşən məşhur Caddebostan və Suadiye yaşayış massivlərində mənzillərin qiyməti son iki ildə 25% azalıb. "Report" "Haberler" saytına istinadən xəbər verir ki, bu səmtlərdə evlərin kirayə qiymətlərində isə ortalama azalma 22% olub.

"Sahibinden.com" əmlak indeksinə görə, 2017-ci il dekabrın 1-nə Suadiyedə mənzillərin orta qiyməti 1 316 480 lirə (343,8 min ABŞ dolları) təşkil edib. Kirayə qiyməti isə 3 416 lirə (892 dollar) olub.

Caddebostanda isə mənzillərin qiyməti ortalama 1 870 784 lirə (488,5 min dollar), kirayə qiyməti isə 4 301 lirə (1 123 dollar) təşkil edib.