Hesablama Palatasının xərclər smetası ötən il 89% icra olunub

Bakı. 9 yanvar. REPORT.AZ/ Hesablama Palatası 2018-ci il xərclər smetasının icra vəziyyətini açıqlayıb.

“Report”a daxil olan məlumata görə, ötən ilin xərclər smetası 89,4% səviyyəsində - 4 104,1 min manata qarşı 3 668,1 min manat icra olunub.

O cümlədən ştatda olan işçilərin əmək haqqı xərcləri 87,1% səviyyəsində - 2 101,2 min manata qarşı 1 830,3 min manat səviyyəsində, Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fonduna ayırmalar 88,3% səviyyəsində - 610,2 min manata qarşı 538,6 min manat, icbari dövlət sığortası xərcləri 69,4% səviyyəsində - 14 min manata qarşı 9,7 min manat icra edilib.