Gürcüstanda gələn il 6 % iqtisadi artım gözlənilir

Gürcüstanın 2022-ci il üçün dövlət büdcəsində iqtisadi artım 6 % səviyyəsində müəyyən edilib.

“Report”un yerli bürosu xəbər verir ki, bu barədə ölkənin Baş naziri İrakli Qaribaşvili hökumətin iclasında bildirib.

Onun sözlərinə görə, gələnilki büdcənin ümumi həcmi 65 milyard lari təşkil edəcək: “Bu o deməkdir ki, adambaşına düşəcək ümumi daxili məhsul 5 500 ABŞ dollarından çox olacaq, bu isə tarixi maksimumdur”.

Hökumət başçıdı deyib ki, 2022-ci ildə ümumi dövlət borcunun ÜDM-də payı 60 %-dən 51,1 %-ə endiriləcək.

İ.Qaribaşvili cari ilin sonunda Gürcüstanda ikirəqəmli iqtisadi artımın gözlənildiyini qeyd edib.